第六十二回 偷大姐床头惊好梦 做老婆壁后泄私谈（1/3）

按：赵二宝转了一夜的念头，等到天亮，就蓬着头蹑足下楼，踅往母亲赵洪氏房间。推进门去，洪氏睡在大床上，鼾声正高，旁边一只小床系阿哥赵朴斋睡的，竟是空着。二宝唤起洪氏，问："阿哥？"洪氏说："勿晓得。"二宝十猜八九，翻身上楼，踅进亭子间，径去大姐阿巧睡的床上，揭起帐子看时，果然朴斋、阿巧两人并头酣睡。二宝触起一腔火性，狠狠的推搡揪打，把两人一齐惊醒。朴斋抢着一条单裤穿上，光身下床，夺路奔逃。阿巧羞得钻进被窝，再不出头露面。二宝连说带骂，数落一顿，仍往楼下洪氏房间。洪氏已披衣坐起，二宝努目哆嘴，签坐床沿。洪氏问道："楼浪啥人来浪噪？"二宝不答，却思这事不便张扬，不如将计就计，遂和洪氏商量，欲令朴斋赶往南京，寻到史三公子家中问个确信。洪氏亦以为然。二宝便高声喊："阿哥。"朴斋不敢不至，惴惴然侍立一旁。二宝推洪氏先说。洪氏约略说了，并命即日起行，朴斋不敢不从。二宝复叮咛道："耐到仔南京末，定归要碰着仔史三公子，当面问俚为啥无拨信，难末谈.1153.啥辰光到上海。覅忘记！"朴斋唯唯遵命，二宝才去梳头。踅到楼上自己房间，只见阿巧正在弯腰扫地，鼻涕眼泪挥洒不止，二宝索性不理。

恰好这日长江轮船半夜开行，朴斋吃过晚饭，打起铺盖，向洪氏讨些盘缠。洪氏嘱其早去早归，娘姨阿虎闯口道："倪看下来有数目个哉，南京去做啥嗄？就去末也定归见勿着史三公子个面。史三公子抵桩勿来，就见仔面也无行用。"洪氏道："俚勿相信个呀，定归要南京去一埭，问仔个信，故末相信哉。"阿虎道："二小姐勿相信末，耐是俚亲生娘，要提亮俚个呀。二小姐肚皮里道仔史三公子还要来个哉，定归要问个信。耐想去问啥人嗄？就碰着仔史三公子，问俚，俚人末勿来，嘴里阿肯说勿来，原不过回报耐一句难要来哉。二小姐再要上仔俚个当，一径等来浪，等到年底下，真真坍仔台歇作！"洪氏道："闲话是勿差，难等南京转来仔再说。"阿虎道："勿然也勿关倪事，倪就为仔三四千店帐来里发极。倘然推扳点小姐，倪倒勿去搭俚拿仔几几花花哉。倪看见二小姐五月里一个月，碰和吃酒，闹猛得势，故歇趁早豁开仔史三公子，巴结点做生意，故末年底下还点借点，三四千也勿要紧。再要哝下去，来勿及哉！"洪氏默然，朴斋道："让我去问仔个信看，倘然史三公子勿来，生来做生意。"阿虎冷笑走开。朴斋藏好盘缠，背上铺盖，辞别出门。谈.1155.过了一宿，二宝便令阿虎去东合兴里吴雪香家喊小妹姐来。阿虎知道事发，答应而去。二宝想好几句闲话，教给洪氏照样向说，不必多言。一会儿，阿虎同着小妹姐引见洪氏，二宝含笑让坐。洪氏说道："倪月底一家门才要到南京去寻个史三公子，让阿巧去寻生意罢。一块洋钱一月，倪拨到俚年底末哉。"小妹姐听了，略怔一怔道："价末到个辰光让俚出来，也正好啘。"二宝接嘴道："倪勿做仔生意，生活一点无拨，阿巧来里也无啥做，早点出去末也好早点寻生意，阿对？"小妹姐没的说，就命阿巧去收拾。二宝教洪氏拿出三块洋钱交与小妹姐，又令相帮担囊相送。小妹姐乃领阿巧道谢辞行。

随后裁衣张司务要支工帐，二宝亦教洪氏付与十块洋钱。阿虎背着二宝悄对洪氏道："耐末样式样依仔个二小姐，二小姐有点勿着落个。故歇一塌括仔还有几块啥洋钱，再要做衣裳！该号衣裳，等俚嫁仔人做末哉啘，啥个要紧嗄？"洪氏道："我也搭俚说过歇个哉，俚说做完仔狐皮个停工。"阿虎太息而罢。

不想次日一早，小妹姐复领阿巧回来，送至洪氏房中。小妹姐指着阿巧向洪氏道："俚乃是我外甥囡，俚哚爷娘托拨我，教我荐荐俚生意。俚乃自家勿争气，做仔覅面孔个事体，连搭我也无面孔，对勿住俚哚爷娘。我末寄仔封信下去，喊俚哚爷娘上来，耐拿俚个人交代俚哚娘爷好哉，我勿管帐。"洪氏茫然，问道：谈.1157."耐说个啥闲话，我勿懂啘。"小妹姐且走且说道："耐勿懂末，问阿巧，等俚自家说。"楼上二宝刚刚起身，闻声赶下。小妹姐已自去了，只有阿巧在房匿面向壁呜咽饮泣。二宝气忿忿的瞪视多时，没法处置。洪氏还紧着要问阿巧。二宝道："问俚啥嗄！"遂将前日之事径直说出。洪氏方着了急，只骂朴斋不知好歹，无端闯祸。

二宝欲令阿虎和小妹姐打话，给些遮羞洋钱，着其领回。阿虎道："小妹姐倒勿要紧，我先问声俚自家看。"遂将阿巧拉过一边，咇唧咇唧问了好一会。阿虎笑而覆道："拨我猜着，俚哚两家头说好来浪，要做夫妻个哉，洋钱末倒也勿要，等俚爷娘来求亲好哉。"洪氏大喜道："价末耐就替我做仔个媒人罢。"二宝跳起来喝道："勿局个！覅面孔个小娘仵，我去认俚阿嫂。"洪氏呆脸相视，不好作主。阿虎道："倪说末，开堂子个老班讨个大姐做家主婆，也无啥勿局。"二宝大声道："我勿要！"洪氏不得已，一口许出五十块洋钱，仍令阿虎去和小妹姐打话。二宝咬牙恨道："阿哥个人末生就是流氓坯！三公子要拿总管个囡仵拨来阿哥，阿要体面，啥个等勿得，搭个臭大姐做夫妻。"洪氏听