第三十七回 惨受刑高足枉投师 强借债阔毛私狎妓（1/3）

按：陶玉甫出至李浣芳房间，当请高亚白、钱子刚入席、宾主三人，对酌清谈，既无别客，又不叫局。李浣芳和准琵琶要唱，高亚白说："勿必哉。"钱子刚道："亚白哥喜欢听大曲，唱仔只大曲罢。我替耐吹笛。"阿招呈上笛子。钱子刚吹，李浣芳唱。唱的是《小宴》中"天淡云闲"两段。高亚白偶然兴发，接着妓.681.也唱了《赏荷》中"坐对南薰"两段。钱子刚问陶玉甫："阿高兴唱？"玉甫道："我喉咙勿好。我来吹，耐唱罢。"子刚授过笛子，唱《南浦》这出，竟将"无限别离情，两月夫妻，一旦孤另"一套唱完。高亚白喝声采。李浣芳乖觉，满斟一大觥酒奉劝亚白。亚白因陶玉甫没甚心绪，这觥饮干，就拟吃饭。玉甫满怀抱歉，复连劝三大觥始罢。

一会儿席终客散，陶玉甫送出客堂，匆匆回内。高亚白仍与钱子刚并肩联袂，同出了东兴里。亚白在路问子刚道："我倒勿懂，李漱芳俚个亲生娘、兄弟、妹子，连搭仔陶玉甫，才蛮要好，无拨一样勿称心，为啥生到实概个病？"子刚未言先叹道："李漱芳个人末勿该应吃把势饭。亲生娘勿好，开仔个堂子，俚无法子做个生意，就做仔玉甫一个人，要嫁拨来玉甫。倘然玉甫讨去做小老母，漱芳倒无啥勿肯，碰著个玉甫定归要算是大老母，难末玉甫个叔伯、哥嫂、姨夫、娘舅几花亲眷才勿许，说是讨倌人做大老母，场面下勿来。漱芳晓得仔，为仔俚自家本底子勿情愿做倌人，故歇做末赛过勿曾做，倒才说俚是个倌人，俚自家也阿好说'我勿是倌人'？实概一气末，就气出个病。"亚白亦为之唏嘘。

两人一面说一面走，恰到了尚仁里口，高亚白别有所事，拱手分路。钱子刚独行进弄，相近黄翠凤家，只见前面一个倌人，手扶娘姨，步履蹒跚，循墙而走。妓.683.子刚初不理会，及至门首，方看清是诸金花。金花叫声"钱老爷"，即往后面黄二姐小房间里去。子刚踅上楼来，黄珠凤、黄金凤争相迎接，各叫"姐夫"，簇拥进房。黄翠凤问："诸金花？"子刚说："来里下头。"金凤恐子刚有甚秘密事务，假做要看诸金花，挈了珠凤走避下楼。翠凤和子刚坐谈片刻，壁上挂钟正敲三下。子刚知道罗子富每日必到，即欲兴辞。翠凤道："故也再坐歇末哉，啥要紧嗄？"子刚踌躇间，适值珠凤、金凤跟着诸金花来见翠凤。子刚便不再坐，告别竟去。

诸金花一见翠凤，噙着一泡眼泪，颤巍巍的叫声"阿姐"，说道："我前几日天就要来望望阿姐，一径走勿动，今朝是定规要来哉。阿姐阿好救救我？"说着，呜咽要哭。翠凤摸不着头脑，问道："啥嗄？"金花自己撩起裤脚管给翠凤看。两只腿膀，一条青，一条紫，尽是皮鞭痕迹，并有一点一点鲜红血印，参差错落，似满天星斗一般。此系用烟签烧红戳伤的。翠凤不禁惨然道："我交代耐，做生意末巴结点，耐勿听我闲话，打到实概样式！"金花道："勿是呀。倪个无娒勿比得该搭无娒，做生意勿巴结生来要打，巴结仔再要打哩。故歇就为仔一个客人来仔三四埭，无娒说我巴结仔俚哉，难末打呀。"翠凤勃然怒道："耐只嘴阿会说嗄？"金花道："说个呀，就是阿姐教拨我个闲话。我说要我做生意末覅打，打仔生意勿做哉！倪无娒为仔该声闲妓.685.话，索性关仔房门，喊郭孝婆相帮，揿牢仔榻床浪，一径打到天亮，再要问我阿敢勿做生意。"翠凤道："问耐末，耐就说定归勿做，让俚哚打末哉啘。"金花攒眉道："故末阿姐哉，痛得来无那哈哉呀！再要说勿做呀，说勿来哉呀。"翠凤冷笑道："耐怕痛末，该应做官人家去做奶奶、小姐个呀，阿好做倌人。"金凤、珠凤在傍嗤的失笑，金花羞得垂头嘿坐。翠凤又问道："鸦片烟阿有嗄？"金花道："鸦片烟有一缸来浪，碰着仔一点点就苦煞个，陆里吃得落嗄！再听见说，吃仔生鸦片烟要迸断仔肚肠死哚，阿要难过。"翠凤伸两指著实指定金花，咬牙道："耐个谄头东西！"一句未终，却顿住嘴不说了。

谁知这里话，黄二姐与赵家娒正在外间客堂中，并摆两张方桌，把浆洗的被单铺排缝纫，听了翠凤之言，黄二姐耐不住，特到房里，笑向翠凤道："耐要拿自家本事教拨俚末，今世勿成功个哉！耐去想，前月初十边进去，就是诸十全个客人----姓陈个----吃仔一台酒，绷绷俚场面。到故歇一个多月，说有一个客人装一挡干湿，打三埭茶会，陆里晓得该个客人倒是俚老相好，来里洋货店里柜台浪做生意，吃仔夜饭来末，总要到十二点钟去。难末本家说仔闲话了，诸三姐赶得去打俚呀。"翠凤道："酒无拨末，局出仔几个嗄？"黄二姐摊开两掌，笑道："通共一挡干湿，陆里来个局嗄！"翠凤欻地直跳起身，问金花道："一个多妓.687.月做仔一块洋钱生意，阿是教耐无娒去吃屎？"金花那里敢回话。翠凤连问几声，推起金花头来道："耐说，阿是教耐无娒去吃屎？耐倒再要寻开心，做恩客。"黄二姐劝开翠凤道："耐去说俚做啥？"翠凤气的瞪目哆口，嚷道："诸三姐个无用人，有气力打俚末打杀仔好哉啘！摆来浪再要赔洋钱！"黄二姐跺脚道："好哉呀！"说著，捺翠凤坐下。翠凤随手把桌子一拍道："赶俚出